Кечээ, 3-октябрда Ош мамлекеттик университетинде “Кыргызстандын суу байлыгы: Сыр-Дарья, Кара-Дарья жана Нарын дарыяларын келечек муун үчүн сактоо жана натыйжалуу пайдалануу” аттуу форум өттү. Иш-чарада климаттын өзгөрүшүнө шартталган суу ресурстарын сарамжалдуу пайдалануу жана коргоо, Сыр-Дарья бассейниндеги суунун агымына климаттын тийгизген таасири, жаштардын туруктуу суу чарбасын өнүктүрүүдөгү салымы боюнча темалар талкууланды.

Форумга кафедранын окутуучулар курамы (каф. башчысы, доц., г.и.к. Шербаева З.Э., доц., п.и.к. Зулушова А.Т., Исакова У., Шерматова Ж., Шаимкулова Р., Мейманова Э., Тургунова В., ж.б.), "География", "География жана экология", "ТИББ" адистиктеринин студенттери, ошондой эле мамлекеттик органдар, Улуттук илимдер академиясы, университеттер, эл аралык жана жергиликтүү уюмдар, эксперттер катышты.

Форумдун эксперти катары кафедранын доценти, г.и.к. Обдунов Э.А. баяндама жасап, аудиториянын көптөгөн суроолоруна жооп берди.

Жыйында жаштарга арналган атайын сессиялар жана окуучулар менен студенттер арасындагы конкурстун жеңүүчүлөрүн сыйлоо аземи да орун алды, сыйлык алгандардын ичинде ГЭ-1-24 тайпасынын студенттери Бекташов Ч., Мирлан у. Т., жетекчиси кафедранын доценти, г.и.к. Аккулов А.У.

Бул форум Сыр-Дарья дарыясынын эл аралык күнүнө карата уюштурулуп, GIZ’дин Борбор Азиядагы “Климаттык таасирди эске алган суу ресурстарын башкаруу” регионалдык программасынын алкагында өткөрүлдү.

Акыркы Жаңылыктар

2025-10-15 00:00:01 88

Кесиптик бирлик комитети мыкты кызматкерлерди сыйлады
Кечээ, 14-октябрда Ош мамлекеттик университетинин кесиптик бирлик комитети билим берүү жана илим тармагында көп жылдардан бери үзүрлүү эмгектенип, жогорку кесиптик чеберчилигин, коомдук турмуштагы активдүүлүгүн көрсөтүп келе жаткан кызматкерлерди сыйлады.
Ага ылайык, сыйлык алган ОшМУнун кызматкерлеринин арасында Борбордук профсоюз комитетинин “Билим жана илим кызматкерлеринин кесиптик бирлигинин мыктысы” төш белгиси менен "Физикалык география, Кыргызстандын географиясы жана ТТК" кафедрасынын башчысы, г.и.к., доцент Шербаева Зувайда Эрмаматовна сыйланды, дагы алтооно Ардак грамота тапшырылды. Ал эми окуу жайдын ректору Кудайберди Кожобеков жана Бириккен кесиптик бирлигинин укук инспектору Бактыбек Турдубаев Кесиптик бирликтин 100 жылдык юбилейлик медалын алды.
Комитеттин төрагасы мындай сыйлыктар ар бир кызматкердин эмгегине болгон ыраазычылык менен урматтын белгиси экенин белгиледи.

Награды профсоюзного объединения
14 октября профсоюзный комитет Ошского государственного университета наградил сотрудников, много лет плодотворно трудящихся в сфере образования и науки, продемонстрировавших высокое профессиональное мастерство и активное участие в общественной жизни.
Среди награжденных сотрудников ОшГУ к.г.н., доцент, заведующая кафедры "Физической географии, географии Кыргызстана и КСЕ" Шербаева Зувайда Эрмаматовна награждена нагрудным знаком Центрального комитета профсоюза «Отличник профсоюза работников образования и науки», другие отмечены Почетными грамотами. Ректор университета Кудайберди Кожобеков и инспектор по правовым вопросам Объединённого профсоюза Бактыбек Турдубаев были награждены медалью «100 лет профсоюза». Председатель комитета отметил, что подобные награды — это знак благодарности и уважения к труду каждого сотрудника.

Башына/Наверх

Акыркы Жаңылыктар

2025-10-28 00:00:01 101

ОшМУнун делегациясы Тажикстанда илимий иш сапарда болуп келишти

Табият таануу, дене тарбия, туризм жана агрардык технологиялар институтунун директору, г.и.д., профессор, урматтуу Абдурашит Гумарович Низамиев жана "Физикалык география, Кыргызстандын географиясы жана ТТК" кафедрасынын доценти, г.и.к. Обдунов Элмурат Абдувапович 22-26-октябрьда «Табигый ресурстар – Тажикистандын социалдык-экономикалык өнүгүүсүндөгү негизги фактор» аттуу эл аралык илимий-практикалык конференциянын пленардык отурумуна катышып, профессор А.Г. Низамиев “Кыргызстанда жашыл экономикага өтүү: мамлекеттик стратегия менен илимий изилдөөлөрдү синхрондоштуруу” деген темада илимий баяндаманы Айни атн. ТМПУда (Дүйшөнбү ш.) жасады.
Иш-чаранын алкагында коноктор Турзунзаде шаарындагы жүзүм плантациялары жана Нурек ГЭСине экскурсия жасап, Ягноб дарыясынын жогорку агымында жайгашкан “Ягноб” улуттук табигый паркын кыдырышты. Байыркы согддуктардын түз тукумдары болгон ягнобдордун жашоо-тиричилиги, үй чарбасы жана маданий салттары менен таанышты.

Научная поездка в Таджикистан

Директор Института естествознания, физической культуры, туризма и аграрных технологий, д.г.н., профессор Абдурашит Гумарович Низамиев и доцент кафедры "Физическая география, география Кыргызстана и КСЕ", к.г.н. Обдунов Элмурат Абдувапович были в научной поездке с 22 по 26 октября, приняли участие на пленарном заседании международной научно-практической конференции «Природные ресурсы – основной фактор социально-экономического развития Таджикистана», где проф. Низамиев А.Г. выступил с научным докладом на тему «Переход к зелёной экономике в Кыргызстане: синхронизация государственной стратегии и научных исследований» в ТГПУ им. Айни в г. Душанбе.
В рамках мероприятия гости посетили виноградные плантации и Нурекскую ГЭС в городе Турсунзаде, Национальный природный парк «Ягноб», расположенный в верховьях реки Ягноб, познакомились с бытом и культурными традициями ягнобцев - прямыми потомками древних согдийцев.

Башына/Наверх

Акыркы Жаңылыктар

2025-10-28 00:00:01 71

ОшМУнун окумуштуулары Кара-Суудан жаңы археологиялык эстеликти аныкташты

Ош мамлекеттик университетинин окумуштуулары Кара-Суунун Папан айыл аймагындагы Шут жайлоосуна илимий экспедиция жүргүзүп, болжол менен биздин заманга чейинки II–I кылымдарга таандык жаңы археологиялык эстеликти изилдеп келишти.
Экспедицияны демилгечиси, "Физикалык география, Кыргызстандын географиясы жана ТТК" кафедрасынын доценти, г.и.к., геоэколог Абдижапар Аккуловдун айтымында, иликтөө маалында эстелик жайгашкан аймактан көптөгөн керамикалык сыныктар (эрте темир доору), жаргылчактардын калдыктары жана петроглифтер (б.з. VI кылымга чейин) табылган.
Абдижапар Аккулов быйыл февраль айында бул аймакка жергиликтүү активисттердин чакыруусу менен келип, уникалдуу токой массивдеринин жана жайыттардын абалы менен таанышканын белгиледи. Ошондой эле учурдагы климаттык өзгөрүүлөргө адаптациялоо боюнча эксперименталдык иштерди жүргүзүү багытында Ош токой чарбасынын жетекчилиги менен да сүйлөшүүлөрдү өткөргөн. Дал ошол сапар маалында илимпоз бул аймактагы эски конуштардын жана кызыктуу курулуштардын издерин байкаган. Илимий топтун курамында ОшМУнун Тарых-юридика институтунун кыргызстан тарыхы жана археология, этнология кафедрасынын окумуштуулары С.Арстанов, С.Алишер кызы жана аспирант К.Орунбай уулу дагы болушкан. Ошондой эле жергиликтүү тургундар жана токой чарбасынын кызматкерлери да активдүү катышып, колдоо көрсөтүшкөн.

Археологические находки ученых Института естествознания и Института истории ОшГУ
Ученые ОшГУ провели научную экспедицию на джайлоо Шут в Папанском айыльном округе Кара-Суу и изучили новый археологический памятник, предположительно датируемый II–I веками до нашей эры. Инициатор экспедиции - геоэколог, к.г.н, доцент кафедры "Физическая география, география Кыргызстана и КСЕ" Абдижапар Аккулов, в ходе исследований на территории памятника обнаружил многочисленные фрагменты керамики раннего железного века, остатки жерновов и петроглифы дотюркского периода (до VI века н.э.).
Абдижапар Аккулов отметил, что посетил этот район в феврале этого года по приглашению местных активистов и ознакомился с состоянием уникальных лесных массивов и пастбищ, провел переговоры с руководством Ошского лесного хозяйства о проведении экспериментальных работ по адаптации к современным климатическим изменениям и заметил на этой территории следы древних поселений и интересные сооружения. В составе научной группы были также ученые кафедры истории и археологии кыргызов, этнологии Института истории и права ОшГУ С.Арстанов, С.Алишер кызы и аспирант К.Орунбай уулу. Активное участие и поддержку оказали местные жители и сотрудники лесного хозяйства.

Башына/Наверх

Акыркы Жаңылыктар

2025-10-31 01:02:03 555

ГЛАВНАЯ

Кафедранын ички гранттык долбоорлору ОшМУнун көргөзмөсүндө өндүрүүчүлөргө сунушталды

Кечээ, 30-октябрда ОшМУда ички гранттардын негизинде ишке ашып жаткан илимий долбоорлордун көргөзмөсү өттү. Иш-чаранын алкагында "Физикалык география, Кыргызстандын географиясы жана ТТК" кафедрасынын окутуучулары даярдап, аткарган 2 илимий долбоору:
- Ак-Буура дарыясынын бассейнинин суу режиминин мониторинги жана комплекстүү географиялык-гидрологиялык райондоштуруу;
- Инновациялык питомник - Innovative nursery
жөнүндө өндүрүш өкүлдөрүнө, инвесторлорго жана потенциалдуу өнөктөштөргө кафедра башчысы, долбоор жетекчиси, г.и.к., доцент Шербаева Зувайда Эрмаматовна, гидрологиялык адис, улук окутуучу Исакова Умида Эргешбаевна жана долбоор жетекчиси, тоо экосистемаларын сактоо жана жашыл инновациялар консалтинг борборунун директору, г.и.к., доцент Аккулов Абдижапар Ураимович айтып беришти.
Көргөзмөдө инновация жана өндүрүш, фундаменталдык илимдер, жашыл экономика жана айыл чарба инновациялары, социалдык, маданий-гуманитардык өнүгүү, медицина багыттарындагы башка долбоорлор дагы тааныштырылды. Аймактардагы түрдүү ишканалардын жетекчилери, инвесторлор жана эксперттер катышып, долбоорлорду баалоо үчүн атайын калыстар тобу түзүлдү. Бул иш-чаранын негизги максаты — ОшМУнун ички гранттарынын колдоосу менен жүргүзүлгөн илимий изилдөөлөрдүн жыйынтыктарын коомчулукка таанытуу, алардын өндүрүш тармагында колдонулушуна шарт түзүү жана окуу жайдын инновациялык ишмердүүлүгүн өнүктүрүү болуп саналат.

Проекты кафедры на выставке ОшГУ

30 октября, в ОшГУ открылась выставка научных проектов, реализованных за счет внутренних грантов. В рамках мероприятия представителям промышленности, инвесторам и потенциальным партнерам были представлены 2 научных проекта, подготовленных учеными и преподавателями кафедры "Физическая география, география Кыргызстана и КСЕ":
- Мониторинг водного режима и комплексное географо-гидрологическое районирование бассейна реки Ак-Буура;
- Инновационный питомник - Innovative nursery.
Проекты презентовали зав. кафедрой, руководитель проекта, к.г.н., доцент Шербаева З.Э., гидролог, старший преподаватель Исакова У.Э. и руководитель проекта, директор консалтингового центра сохранения горных экосистем и зеленых инноваций, к.г.н., доцент Аккулов А.У.
На выставке были представлены проекты в сфере инноваций и производства, фундаментальных наук, зеленой экономики и агроинноваций, социально-культурного и гуманитарного развития, медицины. В мероприятии приняли участие руководители предприятий регионов, инвесторы и эксперты. Основная цель данного мероприятия — ознакомление общественности с результатами научных исследований, выполненных за счет внутренних грантов Ошского государственного университета, создание условий для их внедрения в производственную сферу и развитие инновационной деятельности университета.


Башына/Наверх

Акыркы Жаңылыктар

2025-11-01 07:07:07 77

ГЛАВНАЯ

ЖЕТИШКЕНДИКТЕР ЖАНА ИЙГИЛИКТЕР МЕНЕН КУТТУКТАЙБЫЗ!

Президент Садыр Жапаров 31-октябрда Кыргызстандын жогорку окуу жайларында окуган мыкты 92 студентке мактоо баракчасын жана 60 миң сомдон президенттик стипендия тапшырды. Президенттик стипендияга быйылкы жылы ОшМУдан 9 студент ээ болду. Алардын ичинде биздин институттун студенти Жасмина Исматила кызы, "Физикалык география, Кыргызстандын географиясы жана ТТК" кафедрасынын улук окутуучусу Шерматова Жаркынай Ташполотовнанын кызы. Жеңүүчүлөр 2024-2025-окуу жылынын жыйынтыгы менен тандалып алынган. Куттуктайбыз жана окууда жаңы жетишкендиктерди каалайбыз!

Кечээ, 31-октябрда, Ош мамлекеттик университетинин ректоратында "Физикалык география, Кыргызстандын географиясы жана ТТК" кафедрасынын бүтүрүүчүсү Матикеев Талант Курманалиевичке география илимдеринин доктору дипломун тапшыруу аземи өттү. Ал ушул жазда Бишкектеги И.Арабаев атн. КМУда "Теңир-Тоонун (Тянь-Шань) жаратылышынын секторлук өзгөчөлүктөрү жана алардын чарбадагы мааниси" деген темада доктордук диссертациясын коргогон. Куттуктайбыз жана илимий-изилдөө иштеринде жаңы ийгиликтерди каалайбыз!

ПОЗДРАВЛЯЕМ С ДОСТИЖЕНИЯМИ И УСПЕХАМИ!

Президент Садыр Жапаров 31 октября, вручил 92 студентам, обучающимся в вузах Кыргызстана, почетные грамоты и президентские стипендии в размере 60 тысяч сомов каждому. В этом году 9 студентов ОшГУ стали их обладателями. Среди них студентка нашего института Жасмина Исматила кызы, дочь старшего преподавателя кафедры "Физическая география, география Кыргызстана и КСЕ" Шерматовой Жаркынай Ташполотовны. Победители были определены по результатам отборочного тура по итогам 2024-2025 учебного года. Поздравляем и желаем новых достижений в учебе!

Вчера 31 октября в ректорате ОшГУ состоялось вручение диплома доктора географических наук Матикееву Таланту Курманалиевичу, выпускнику кафедры "Физическая география, география Кыргызстана и КСЕ". Защита докторской диссертации на тему "Секторальные особенности природы Тенир-Тоо (Тянь-Шань) и их хозяйственное значение" прошла весной текущего года в КГУ им. И. Арабаева, г. Бишкек. Поздравляем и желаем новых успехов в научно-исследовательской работе!


Башына/Наверх

Акыркы Жаңылыктар

2025-11-08 08:01:01 77

ГЛАВНАЯ

ФерМУдагы эл аралык илимий практикалык конференцияга катышуу

"Жашыл Өзбекстан: ландшафт жана биологиялык ар түрдүүлүктү сактоо маселелери" аттуу эл аралык илимий-практикалык конференция Фергана мамлекеттик университетинде (Өзбекстан) 7-8-ноябрда өтүп жатыр. Конференциянын уюштуруу комитетинин курамына биздин институттун директору, география илимдеринин доктору, профессор урматтуу Низамиев Абдурашит Гумарович кирген. Бул иш-чаранын максаттары: климат өзгөрүшү шартында Өзбекстанда жана Борбордук Азияда ландшафттык жана биологиялык ар түрдүүлүктү сактоо жана алардын туруктуу өнүгүүсүн камсыз кылуу боюнча илимий негизделген ыкмаларды иштеп чыгуу, ж.б. Физикалык география, Кыргызстан географиясы жана КГЭ кафедрасынын окутуучулары пленардык жыйынга катышып, секциялык жыйындарда талкуулоо үчүн өз макалаларын сунушташты: кафедра башчысы, г.и.к., доцент Шербаева З.Э., г.и.к., доцент Сатыбалдиев Б.С., п.и.к., доцент Зулушова А.Т., улук окутуучу Камчиев У.М., улук окутуучу Исакова У.И., улук окутуучу Шаимкулова Р.Р., окутуучу Мейманова Э.М.

Преподаватели кафедры участвуют в международной научно-практической конференции ФерГУ (РУз)

В Ферганском государственном университете (Узбекистан) 7-8 ноября проводиться международная научно-практическая конференция "Зеленый Узбекистан: вопросы сохранения ландшафта и биоразнообразия". В организационный комитет конференции входит директор нашего института, д.г.н., профессор уважаемый Низамиев Абдурашит Гумарович. Целями данного мероприятия являются: разработка научно обоснованных подходов к сохранению ландшафтного и биологического разнообразия, а также обеспечению их устойчивого развития на территории Узбекистана и Центральной Азии в условиях изменения климата, и др. Преподаватели кафедры "Физическая география, география Кыргызстана и КСЕ" участвовали в пленарном заседании и предложили свои статьи на обсуждение в секционных заседаниях: зав. кафедрой, к.г.н., доц. Шербаева З.Э., к.г.н., доц. Сатыбалдиев Б.С., к.п.н., доц. Зулушова А.Т., ст. преп. Камчиев У.М., ст. преп. Исакова У.И., ст. преп. Шаимкулова Р.Р., преп. Мейманова Э.М.

2025-11-13 12:00:01 57

ГЛАВНАЯ

Эл аралык академиялык мобилдүүлүк алкагында НМУдан, Өзбекстандан келген окумуштуулардын ачык лекциялары өттү, 2025-11-13

Кечээ, 12-ноябрда, "География" жана "Табигый-илимий билим берүү" багыттарында окуган студенттер, ошондой эле биздин кафедранын окутуучулары академиялык мобилдүүлүктүн алкагында Наманган мамлекеттик университетинин (Өзбекстан) окумуштууларынын, алардын ичинде, г.и.к., доцент А.С.Баратовдун - геоморфология боюнча, г.и.к., доцент Б.М.Абдурахмоновдун - картография боюнча ачык лекцияларына катышышты. Сунушталган кызыктуу илимий фактылар жана мыйзам ченемдүүлүктөр, турмуштан алынган мисалдар лекциянын катышуучуларынын чыныгы кызыгуусун жаратты, көптөгөн суроолор берилип, аларга урматтуу коноктор кеңири жана толук жооп беришти. Жолугушуунун аягында лекторлор "Физикалык география, Кыргызстандын географиясы жана ТТК" кафедрасынын башчысы, г.и.к., доцент З.Э. Шербаевага илимий китептерди тапшырышты. Ал өз жообунда Өзбекстандан келген кесиптештерине ыраазычылык билдирип, кафедралардын ортосундагы кызматташтыкты андан ары кеңейтүүгө чакырды.

Ученые из НГУ (Узбекистан) провели открытые лекции в рамках международной академической мобильности

Вчера, 12 ноября студенты, обучающиеся по направлениям "География" и "Естественно-научное образование", а также преподаватели нашей кафедры прослушали отрытые лекции, проведенные учеными из Наманганского государственного университета (РУз) в рамках академической мобильности, в частности к.г.н., доцентом Баратовым А.С. - по геоморфологии, к.г.н., доцентом Абдурахмоновым Б.М. - по картографии. Приведенные интересные научные факты и закономерности, примеры из жизни вызвали неподдельный интерес у участников лекций, были заданы вопросы, на которые уважаемые гости дали подробные и обстоятельные ответы. В заключение встречи лекторы подарили научные книги заведующему кафедры "Физическая география, география Кыргызстана и КСЕ", к.г.н., доц. Шербаевой З.Э. В ответном слове она поблагодарила коллег из Узбекистана и призвала еще больше расширять сотрудничество между кафедрами.

Башына/Наверх

Акыркы Жаңылыктар