КАФЕДРАСЫНЫН ИШМЕРДИГИНИН НЕГИЗГИ БАГЫТТАРЫ

Кафедранын ишмердигинин мазмуну жана милдеттери:

БИРИНЧИ СТРАТЕГИЯЛЫК БАГЫТ : “Билим бер үү ишмердигин модернизациялоо” – билим берүү процесиндеги илимий-педагогикалык изилдөөлөрдүн жыйынтыктарын интеграциялоо:

ü адистикдеги негизги билим берүү программаларынын мазмунуна сунуштарды берип туруу;

ü колледж, бакалавр жана магистратуранын модулдук программаларын жана окуу-методикалык комплекстерин толуктоо, жаңылап туруу;

ü колледж, бакалавр жана магистратуранын программаларын негизинде балоо каражаттарынын фондун, тапшырмалар банкын иштеп чыгуу; студенттерди компетентүүлүкө негиздеп окутуунун чегинде жыйынтыктоочу мамлекеттик аттестациялоонун программаларын иштеп чыгуу, жаңылап туруу;

ü билим берүү программаларынын тарбиялык потенциялын жайылтуу.

ЭКИНЧИ СТРАТЕГИЯЛЫК БАГЫТ: - “Инновациялык ишмерд үү л ү кт ү жана илимий-изилд өө иштерин модернизациялоо” кафедранын окутуучуларынын илимий-изилдөө иштерин активдештирүү:

ü кафедранын окутуучуларынын перспективдүү илимий - изилдөө программаларын иштеп чыгуу жана жайылтуу;

ü РИНЦке, скопуска катталган журналдарга окутуу процессинин жана илимий- изилдөө иштердин жыйынтыгын жарыялап туруу.

Ү Ч Ү НЧ Ү СТРАТЕГИЯЛЫК БАГЫТ: - “Социалдык ө н ө кт ө шт ү кт ү жайылтуу” билим берүү жана илимий мекемелер менен кызматташтыкты өнүктүрүү:

ü Ички өнөктөштүк, ОшМунун факультеттердеги методика кафедралары менен ишкер карым-катнашты уюштуруу;

ü Сырткы өнөктөштүк, КРнын, жана коңшу мамлекеттердин билим берүү мекемелери менен тыгыз байланышты колго алуу;

ü КРнын ЖОЖдорунун дене тарбия кафедралары менен алакада болуу.

Т Ө РТ Ү НЧ Ү СТРАТЕГИЯЛЫК БАГЫТ: - “Кафедранын кадрдык патенциялын ө н ү кт ү р үү ” кафедранын кызматкерлеринин кесиптик жана инсандык жактан өсүүсү үчүн шарттарды түзүүгө жетишүү:

ü перспективдүү жаштардын өнүгүсүү үчүн шарттарды түзүп берүү;

ü жаш окутуучларды комплекстүү илимий-изилдөө иштерине тартуу жана программаларга ылайык жыйынтыктарын жайылтып туруу;

ü жаш окутуучулардын чыгармачылык активдүүлүгүн өнүктүрүүнүн жаңы форматын иштеп чыгуу;

ü кафедранын окутуучуларынын жекече карьераларын пландоо.

ДЕНЕ ТАРБИЯНЫН ФИЗИОЛОГИЯСЫ, ТЕОРИЯСЫ ЖАНА МЕТОДИКАСЫ

КАФЕДРАСЫНЫН ТАРЫХЫ

Ош Мамлекеттик Университетинин педагогика факультетинин базасында 1999-2000-окуу жылында Кыргыз Республикасынын билим берүү, илим жана маданият министрлигинин № 5-7 чечиминин негизинде дене тарбия мугалими жана спорттун машыктыруучусу адистиги боюнча жогорку квалификациялуу кадрларды даярдоо максатында дене тарбия бөлүмү ачылган. 1999-жылдан бери дене тарбия бөлүмү педагогика факультетинин курамында ишмердүүлүгүн жүргүзүп келген.

2001-жылдын 7-сентябрындагы №181 буйругунун негизинде дене тарбиянын, спорттун теориясы жана методикасы кафедрасы түзүлгөн. Дене тарбиясын окутуу, анын теориялык, методикалык жана практикалык иш-аракеттерин жүзөгө ашыруу, жогорку билимдүү дене тарбия мугалимдерин даярдоо, кафедранын квалификациялык мүнөздөмөсүн түзөт.

Кафедраны Кыргыз Республикасынын эмгек сиңирген машыктыруучусу, “Эл агартуунун мыктысы” Т. Оморов 1999-жылдан 2004-жылдын октябрь айына чейин, 2004-жылдын ноябрь айынан 2007-жылга чейин кафедраны доцент м.а. А.Изамаматов, 2007-жылдан 2008-жылга чейин эркин күрөш боюнча спорттун чебери Р.Карабаев, 2008-жылдан 2012-жылга чейин ага окутуучу К.Жээналиев, 2012- жылдан 2017-жылга чейин ага окутуучу С Темирбаев, 2017-жылдын сентябрь айынан 2022-жылдын июнь айына чейин ага окутуучу Ы.Райимбердиев жетектеген. 2022-жылдын июнь айынан бери “волейбол” боюнча спорт чеберчилигине талапкер Р.Камилов жетектеп келүүдө.

Аталган кафедра ОшМУнун Окумуштуулар кенешинин (2021-жылдын 23-апрелиндеги №7- протокол) чечиминин негизинде дене тарбиянын физиологиясы, теориясы жана методикасы кафедрасы болуп аталган.

Азыркы мезгилде кафедрада 1 илимдин кандидаты 2 доцент, 2 ага окутуучу, 5 окутуучу жана 2 спорт инструктор, бир методист эмгектенишет. Ошондой эле кафедрада иштеген окутуучулардын спортто да абдан чоң ордулары бар. Кафедранын төмөнкү окутуучулары ОшМУда спорттун түрлөрү боюнча машыктыруучулук кызматты аркалашып мелдештерде жана Университетте дагы бир топ ийгиликтерди жаратып келишкен. Атай кетсек К.Жээналиев, А.Казибеков. К.Дүйшөнали кызы “жеңил атлетика”, Т. Оморов “бокс”, А. Исраилов “кур күрөш”, Т. Сатиев “дзюдо”,А. Изамаматов“футбол”,М.Жусубалиев “ордо”,Г.Мурзакаримова “тогуз коргоол”, Ө.Матазов “греко – рим күрөшү” С.Темирбаев “оор атлетика”, Р. Джоробаев “баскетбол”, Н.Ысмаилова “волейбол” кыздар, С.Исманов “волейбол” балдар.

Кафедранын бир топ окутуучуларынын басмадан атайын дене тарбия адистиги үчүн окуу китептери методикалык колдонмолору, илимий макалалары жарык көргөн. Кафедранын доценти А. Изамаматовдун «Дене тарбия адистигиндеги студенттер үчүн окуу практикасына методикалык колдонмо», доцент Ю. Панитковдун «Айланпа машыгуу» деген китеби, ага окутуучу С.Темирбаевдин «Дене тарбия сабагына комплекстүү көнүгүүлөр» окуу – методикалык колдонмосу, ага окутуучу М.Жусубалиевдин «Аутогендик машыгуу» , “ Гимнастикалык жалпы өнүктүрүүчү көнүгүүлөр жыйындысы” деген усулдук колдонмолору , ага окутуучу К. Жээналиевдин “Методическая разработка и методическая помощь новым преподвателям и организаторам физической культуры и спорта” деген колдонмолору жарык көргөн.

Ушул күнгө чейин окуп кетишкен студенттердин ийгилигине сарасеп салсак: Ким Алексей –бокс боюнча КРнын 2000-2001-жылдарындагы эки жолку чемпиону. Жалал-Абат, Бишкек, Кочкор жана Наманган шаарларында болуп өткөн Эл аралык мелдештердин жеңүүчүсү. КРнын спортунун чебери. Штанга көтөрүүдө спорттун чеберчилигине талапкер. КРнын курама командасынын мүчөсү.

Айтиев Жыргалбек - кикбокс боюнча КРнын 2002-жылдагы чемпиону. КРнын спортунун чебери. Бокс боюнча спорттун чеберчилигине талапкер. КРнын курама командасынын мүчөсү. Ош облусунун губернаторунун стпендианты.

Атаханова Барно – каратэ-до боюнча КРнын 2000-жылдагы кыздар арасындагы биринчилигиндеги күмүш медалдын ээси. Андижан, Жалал-Абат шаарларында болуп өткөн Эл аралык мелдештердин жеңүүчүсү, спорт чеберчилигине талапкер. КРнын курама командасынын мүчөсү. 2003-жылы Бишкек шаарында өткөрүлгөн “Дене тарбиянын назарияты жана усулияты” сабагы боюнча Республикалык Олимпиаданын жеңүүчүсү.

Кадыров Канатбек – бокс боюнча КРнын 2002-2003-жылдарындагы чемпионатында коло медалдын ээси. Спорттун чеберчилигине талапкер.

Матисаков Гапар – кикбокс боюнча 2003-жылдагы Азия мамлекеттеринин профессионалдар арасындагы мелдештин жеңүүчүсү, титулдук кемердин ээси, спорттун чеберчилигине талапкер.

Абдулазимов Улукбек – бокс жана кикбокс боюнча КРнын 2000-2001-жылдардагы жаштар арасындагы чемпиону. Бишкек, Алма-Ата, Ташкент, Жалал-Абат шаарларында болуп өткөн Эл аралык мелдештердин жеңүүчүсү, спорттун чеберчилигине талапкер.

Максутов Темир -волейбол боюнча КРнын чемпионатында IV-орун, Ысык-Көл шаарында болуп өткөн Эл аралык мелдештин күмүш медалынын ээси. “Универсиада – 2002-2003жж. жеңүүчүсү. 2003-жылдагы областын “Эң мыкты” оюнчусу. Спорттун чеберчилигине талапкер.

Анарбаев Акжол - КРнын самбо боюнча чемпионатында I жана III даражадагы дипломду 57 кг дык салмакта ээлеген. Жалал-Абад обласстынын Аксы районундагы кур күрөш боюнча Эл аралык мелдешке катышып 1- орунду алып келген.

Бакиров Алибек – КР нын Бишкек шаарында болуп өткөн Эл аралык мелдеште күрөш боюнча 1-орунду алган.

Келсинбеков Кадыр – Алыш күрөшү боюнча спорттун чебери, Дүйнөлүк универсиаданын коло медалынын ээси. (2013-ж), бүткүл дүйнөлүк көчмөндөр оюндарынын күмүш медалынын ээси (2014 - ж),бүткүл дүйнөлүк алыш бел боо күрөшү боюнча алтын медалынын ээси (2015 – ж Польша)

Таиров Эрлан – Волейбол боюнча спорттун чебери С. Чокморов байгесине арналаган мелдеште алтын медаль ээси, мыкты оюнчу (2014 - ж)

Пайзилда уулу Дамир - КР бокс боюнча жаштар арасында өткөрүлгөн мелдештин алтын медалынын ээси Жалал-Абад 2015 – ж

Болотбеков Марат - бокс боюнча Кыргыз Республикасынын жаштар арасында өткөрүлгөн мелдеште коло медалынын ээси (2013 - ж)

Камалов Жалал – Самбо боюнча Азиянын биринчилигинде коло байгесинин ээси

Коргонбай уулу Эламан – ММА жана панкратион боюнча Кыргыз Республикасынын чемпиону. (2015 - ж)

Садирдинов Роман - Бокс боюнча спорттун чебери КР спортакиадасынын жеңүүчүсү 2012 - ж, Казакстан Республикасынын Атрау шаарында өткөн эл аралык мелдештин жеңүүчүсү 2013-ж.

Мамарасул кызы Алтынай - 2016-жылы Беларуссияда откон дуйнолук чепионата 1- орунду ээлеп, алтын медаль менен сыйланган. 2016-жылы Россиянын Сверловский шаарында 2-орунду ээлеп, кумуш медалдын ээси болгон. 2016-жылы Кыргызстанда откорулгон Кочмондор оюнунда биринчи жана экинчи орунду ээлеп, алтын жана кумуш медалды ээлеген. 2017-жылы Туркмонстандын Ашхабат шаарында жабык имаратта откорулгон 5-Азиялык оюндарында туркмон күрөш боюнча кумуш медалды, алыш күрөшү боюнча алтын медалды багындырды.

КАФЕДРАНЫН МАКСАТЫ

Орто мектептерде, лицей, спорт мектептерине, колледж жана жогорку окуу жайларына ар тараптан өнүккөн, жогорку маалыматтуу дене тарбия мугалимдерин жана машыктыруучуларын даярдоо;

Окутуу жараянында жаңы технологияларды колдонуу аркылуу студенттердин кесиптик чеберчилигин калыптандыруу, өлкөбүздү заманбап дене тарбия адистери менен камсыз кылуу;

КАФЕДРАНЫН МИЛДЕТ

Келечектеги кесип ээлерин өздөрү тандап алган адистиги боюнча теориялык жана усулияттык жактан билиминин бекем болушуна жетишүү.

Окутуу процессинде кесиптик чеберчилигин, ык-машыгууларын калыптандыруу жана алган билимдерин практикалык иш-аракеттерде пайдалана билүү.

дене тарбияны чыңдоочу борборлордо, спорт, аскер кызматын өтөөчү ишканаларда студенттердин спорттук иш аракеттерин алып баруусун күчөтүү.

ДЕНЕ ТАРБИЯНЫН ФИЗИОЛОГИЯСЫ , ТЕОРИЯСЫ ЖАНА МЕТОДИКАСЫ КАФЕДРАСЫНЫН СТРУКТУРАСЫ

1. Кафедра башчысы.

2. Методикалык кеңеш.

3. Илимий иштер.

4. Тарбиялык иштер боюнча жооптуу.

5. Профсоюз уюму.

6. Спорт сектор.

КАФЕДРАНЫН БАШКА ЖОЖДОР МЕНЕН БАЙЛАНЫШЫ

1. Бишкек шаарындагы Кыргыз Мамлекеттик дене тарбия Академиясы.

2. КУУнун дене тарбия бөлүмү.

3. ОшТУнун дене тарбия бөлүмү.

4. ОГПИнин

5. БатМУнун дене тарбия болуму

6. КМДТАсынын Жалалабатдагы филиалы

7. Андижан мамлекеттик университетинин дене тарбия факультети.

КАФЕДРАНЫН ОКУУ-УСУЛДУК ИШТЕРИ

Кафедранын мүчөлөрүнүн илимий изилдөө жана усулдук иштеринин жыйынтыктары, кафедранын мүчөлөрүнүн ачык сабактары жана сабактарга өз ара катышууларын уюштуруу алардын жыйынтыгын кафедранын илимий-усулдук семинарында талкуулоо максаты коюлууда.

Студенттердин өз алдынча иштери уюштуруу жана кабыл алуу кафедрада 2002–жылдан бери практикаланып келе жаткан модулдук-рейтингдик системага ылайык ар түрдүү формада жүргүзүлөт.

Кафедрада дисциплиналар боюнча модулдар - текшерүү иш, тест, коллоквиум, курстук долбоор жана жекече тапшырмалар түрүндө кабыл алынып, ар бир жарым жылдыктын аягында жыйынтыкталып, тиешелүү материалдар кафедрада сактоо маселеси пландаштырылды.

Дисциплиналар боюнча өз алдынча иштердин, курстук долбоорлордун жана модулдардын аткарылышын тиешелүү окутуучулар тарабынан системалуу көзөмөлдөө, консультациялар, кошумча сабактар өтүү жана нөөмөтчүлүк убагында системалуу түрдө жекече жана топтук консультациялар берүү менен жүргүзүү пландалууда.

Кафедранын перспективалык иш – планы

- Кафедрага тиешелүү болгон кабинеттерди ремонттон өткөрүп, окутуунун технологиялык каражаттар, окуу усулдук көрсөтмөлөр, колдонмолор менен камсыздоо

- Окуу программаларын кайрадан иштеп, мамлекеттик стандартка ылайык келе турган дэңгээлде чыгаруу;

- Китепканадагы китептердин фондун көбөйтүү үчүн дайыма тиешелструктураларга заявкаларды берүү;

- Окутуучулардын билим сапаттарын жогорулатуу боюнча иш-чараларды уюштуруу;

- Студенттердин сабакка болгон кызыгуусун арттыруу жана билимдерин өркүндөтүү максатында кафедрада семинарларды уюштуруу

- Дене тарбия сабагын өтүүдө, спорттук машыгууда базаларды ондоп түзүү.

- КАФЕДРАНЫН ПРОФСОЮЗДУК ИШИ

Кафедранын профсоюз уюмунда 14 мүчө бар.

Профсоюз уюмунун жылына иш планы бекитилип турат. Иш планда эмгек тартибин сактоо, эмгек шартын түзүү, окутуучулардын эс алуусун уюштуруу, майрамдарды талапка ылайык өткөрүү, материалдык жардамга муктаж болгондорго жардам көрсөтүү, окутуучулардын сабактарына катышуу иштери каралган.

Профсоюз мүчөлөрү мүмкүнчүлүктөрүнө жараша пансионат жана профилакторийлерде ден-соолугун чыңдашат жана материалдык жардам алып турушат.

КАФЕДРАНЫН МАДАНИЙ - ТАРБИЯЛЫК, ПРОФОРИЕНТАЦИЯЛЫК ЖАНА КООМДУК ИШТЕРИ

Кафедрадагы маданий-тарбиялык жана коомдук иштер пландалган жана учурдагы иш-чаралардын негизинде кафедранын ар бир мүчөсү жана атайын дайындалган жооптуу окутуучу тарабынан жүргүзүлөт.

Кафедранын окутуучулары факультеттик, университеттик жана шаардык деңгээлиндеги түрдүү маданий-тарбиялык жана коомдук иш-чараларды уюштурууга жана өткөрүүгө активдүү катышышат.

Кафедранын окутуучулары Ош, Жалал-Абат жана Баткен областтарында профориентациялык иштерди жүргүзүшөт.

Кафедранын окутуучулары факультеттик, университеттик, шаардык, областык республикалык мелдештерге курама камандалар менен катышып жатышат.

1. КРдагы дене тарбиячылар күнүнө карата.

2. Мугалимдер күнүнө.

3. Жаңы жыл майрамына карата.

4. Ата мекенди коргоо күнүнө карата.

5. 8-март аялдардын эларалык күнүнө карата.

6. Нооруз майрамына карата ж.б.

КАФЕДРАНЫН МАТЕРИАЛДЫК–ТЕХНИКАЛЫК БАЗАСЫ

Педагогика жана дене тарбия факультетинде лекциялык, семинардык, лабораторялык сабактарды өткөрүү үчүн талапка ылайык аудиториялык фонд жалпысынан 4832 м² түзөт: анын ичинде 4 лекциялык каана ( № 211, 214, 216, 221 кааналар, 560 м² аянт), лабораториялык жана практикалык сабактар учун кааналар – 2722 квадрат метрден турат. Факультетте студенттер учун 34 аудитория бар. Алардын ичинен 1 аудио-видео техника мене жабдылган лингафондук лаборатория (№ 207 каана), МЕДИА борбор (№ 200 каана), интерактивдуу доска, оргтехника колдонуу учун лекциялык зал (№ 214 каана), интерактивдуу доска коюлган (210,307 каана), методкабинет ( №304 каана), тренинг центр (“№ 222 каана), компьютердик класс (№ 315 каана).

Дене тарбия адистигинде окуп жаткан студенттер үчүн факультеттин фондунда спортзал (1), мини футбол үчүн площадка (1), баскетбол ойноо аянтча (2), волейбол ойноо үчүн площадка (2), чон теннис ойноо үчүн корт (1), душ алуу кааналар (3), раздевалка (2), теннис зал (1), машыгуу залы кирет. Ошондой эле, факульттин спорт аянтчасында гимнастика сабактарын өткөрүү үчүн, атлетикалык машыгулулар үчүн ар кандай турниктер жайгашкан. Ар окуу жылдын башында педагогика жана дене тарбия факультети шаардын стадиону, “Алыш” спорт-комплекси, шаардык ДЮСШ жана у .с спорт мекемелер менен келишим түзүп, керектүү кааналарды, спорт инвентарларын ижарага алып дене тарбия адистигиндеги студентерге машыгуу үчүн шарт түзүп берет.

КАФЕДРАНЫН ДАРЕГИ:

Ош ш., А.Масалиев к., 91 а. Ош МУнун дене тарбия факультетинин имараты.

Дене тарбиянын физиологиясы, теориясы жана методикасы кафедрасы. 119-кабинет.